التغذية المدرسية

قيمة التبرع

 

  • دايما بنهتم بالتعليم, لكن هل فكرت ايه اللي محتاجه الطالب قبل اي حاجة عشان يتقدم دراسيا و يستوعب دروسه؟ ....الغذاء
  • الغذاء هو أساس الحياة و أكيد من خلاله نقدر نغذي مستقبل طالب و يكون لينا يد في نجاحه عن طريق توفير وجبة صحية يوميا تغذي عقله و تخلبه جاهز للمستقبل.
  • عشان كدة بنك الطعام المصري أصدر برنامج التغذية المدرسية في السنة الدراسية 2012/2011  و أنشاء مطابخ في المدارس لتسهيل عمليه إعداد و تقديم الوجبات.
  • نتيجة ضعف الظروف الإقتصادية، تلاميذ كتير بيعانوا من سوء التغذية اللي بتسبب لهم مشاكل صحية زي الأنيميا والتقزم بالإضافة للوضع النفسي السئ اللي بيتعرض له الأطفال بسبب قلة الغذاء.
  • برنامج التغذية المدرسية مستمر في توفير وجبة صحية لتلاميذ المدارس الإبتدائية فى المناطق الفقيرة, و دورك فيه هو التبرع ب 155 جنيه في الشهر.

 

ال 155 جنيه ممكن تعمل ايه؟ و إزاي هتغذي المستقبل؟

- ال 155 جنيه هتوفر بيئة تعليمية جاذبة للتلاميذ.

- ال 155 جنيه هتوفر وجبة يومية لتلميذ لمدة شهر

- ال 155 جنيه هتساهم في القضاء على التسرب من التعليم.

- ال 155 جنيه هترفع معدل التحصيل الدراسى.

- ال 155 جنيه هتخفف العبء المادي عن عائلة فقيرة.

-  ال 155 جنيه هتساعد في تقديم برامج توعوية متنوعة لتنمية مهارات الأطفال.

مبلغ بسيط جدا, لكن كفيل إنه يسعد طفل و يغذيه عشان يكون جاهز للمستقبل. كمان أكيد هيخفف عن عائلتة جزء من مصاريف الطفل اليومية.
مش بس كده, بنك الطعام المصري بيقوم بتدريب وتأهيل أمهات التلاميذ كمان و تعيينهم في مطبخ المدرسة براتب شهري، و بكدة نقدر نضمن جودة و نظافة الوجبات المقدمة.

 

إنجازات البرنامج للعام الدراسي 2017\2018
 

  • توفير 2,051,000 وجبة لعدد 23,181 طالب في 37 مدرسة في 10 محافظات (القاهرة – الجيزة – الدقهلية – الإسكندرية – الفيوم – بني سويف – المنيا – أسيوط –
    سوهاج – الغردقة )
  • نجح بنك الطعام عن طريق برنامج التغذية المدرسية في زيادة معدل حضور التلاميذ وساهم في توازنهم النفسي و ده بشهادة أولياء الأمور.

    والدة شذي الطالبة بمدرسة الدمرداش- القاهرة

"برنامج التغذية المدرسية ساعدنا كتير, تحصيل بنتي الدراسي بقي أحسن كتير من الأول خاصة إن البرنامج خفف عننا جزء
من المصاريف اليومية لأنها غالبا ماكانتش بتاخد معاها أكل من البيت"

 

إنجازات البرنامج للعام الدراسي 2018/2019

تم أفتتاح 5 مطابخ جديدة في محافظة البحر الأحمر في المدارس التالية : 

  1. مدرسة على بن أبي طالب  - عدد التلاميذ 960
  2. مدرسة الفكرية - عدد التلاميذ 70
  3. مدرسة بلال بن رباح - عدد التلاميذ 1,350
  4. مدرسة التقوى - عدد التلاميذ 650
  5. مدرسة اسماء بنت أبي بكر - عدد التلاميذ 800


أهداف البرنامج للعام الدراسي 2019/2020

  • الوصول إلي 44 مدرسة خلال العام الدراسي 2019/2020
     

الوجبات المقدمة

وجبة البروتينات: 

  • مكرونة باللحمة المفرومة
  • مكرونة بالبشاميل
  • أرز مع خضار باللحمة
  • أرز أو مكرونة مع دجاج محمر بالفرن وبطاطس

وجبة الكالسيوم:

  • أرز باللبن
  • كاستر باللبن
  •  بليلة باللبن

الوجبة المتكاملة: 

الكشري؛ طبق الكشري يعد بمثابة وجبة غذائية متوازنة تحتوي على ما يحتاجه الجسم من عناصر الغذاء الأساسية والبروتينات والكربوهيدرات والأملاح المعدنية والفيتامينات. 

الفاكهة: يتم تقديم فاكهة الموسم (عدد 2 قطعة لكل تلميذ).

الوجبة الترفيهية/الخفيفة: 

  • الساندوتشات (حلاوة أو جبنة أو حواوشي)
  •  كيك 
  • بيتزا 
  • مخبوزات (دوناتس) 
     

كيفية التبرع:

  • المقر الرئيسي لبنك الطعام المصري  "قطعة 44  التجمع الثالث - بجوار مستشفى القاهرة الجديدة "
  • حساب موحد بجميع البنوك على رقم 888777
  • من خلال مواقعنا التسويقية الدائمة
  • عن طريق تطبيق التبرع من خلال صفحة التواصل الإجتماعي ( الفيس بوك ) الخاصة ببنك الطعام المصري (www.facebook.com/egyfoodbank)
  • من خلال خدمة فورى (منافذ فورى أو ماكينات الATM أو من خلال www.myfawry.com  أو مكاتب البريد)
  • من خلال شركات التحصيل الإلكترونية  (مصارى - أمان - بي - سداد - تمام - خدماتى )
  • عن طريق فودافون كاش
  • عن طريق رسالة قصيرة إلي 9595   ( 5 جنية للرسالة الواحدة ) 
  • التبرع من خلال تطبيق ميجا خير للموبايل  من خلال Appstore & Play Store

    ملحوظة
    يمكن التبرع من خلال الفيزا كارد أو الماستر كارد الخاصة بأى بنك من البنوك المصرية المختلفة و لا يشترط أن تكون لصالح أى من هذه البنوك الثلاثة .

 

 

 

شركاؤنا